ZALDI ZURIA / MASKARA (2019)

01 - Zaldi zuria

Zaldi zuria
argi ilun honen azpian
ikusezin bihurtu naiz
zuretzat.

​

Hezur, mami, azal
arimak huts egin zidan eta
itzali egin nuen noizbait
zigortzat.

​

Damurik ez dut
esan dudan aldi bakoitzeko
gezur berri bat landatzen dut
zoruan.

​

​

02 - Maskara

Zure besoetan gora doaz
bulkada denak
hondar alez estali duzun
gela honetako zoru gainean,
lili bat haziko balitz
zu zeu lehena
belusezko hostoak erantziz.

​

Atzamarrez orbaindu dira
zure izunak
desagertzear giza kontzientzia
itogarri hau,
animalia zara finean:
gorputza eta gosea.

​

Eta orain maskara gabe
egiaz geure buruen jabe ala
ezeren jabe ez
desira hobira eraman zutenei
omen egin genien.